Абай Құнанбайұлының 180 жылдығы

Өткен аптада Абай Құнанбайұлының 180 жылдығына арналған облыстық «Ыстық қайрат, нұрлы ақыл, жылы жүрек» атты тағылымды байқау мәресіне жетті. Бұл — жай ғана сайыс емес, жүрек пен сана сүзгісінен өткен сөз өнерінің, рух асқақтығының шынайы бәйгесі болды.
Аймақтың әр түкпірінен жиналған қазақ тілі мен әдебиеті пәнінің мұғалімдері – ұлт руханиятының шамшырағы, хакім Абайдың мұрасын жүрекпен сезініп, сөзге жан бітіріп, көркем бейнеледі.
Осы рухани додада Тараз қаласының намысын қорғаған Ә. Бөкейханов атындағы №1 гимназияның қазақ тілі мен әдебиеті пәнінің мұғалімі Қысатай Әлібек Талғатұлы хакім Абайдың даналық сөзін жүрекпен жеткізіп, терең мазмұнмен түрлендірді. Білім мен таланты қатар өрілген ұстазымыз жүлделі І орынға ие болды!
Абай: «Адам баласына адам баласының бәрі — дос» деген.
Бұл жеңіс — бір ғана адамның емес, тұтас ұжымның, Абай ілімін дәріптеген барша ұстаздар қауымының рухани жеңісі.
Ұстазымызға шығармашылық шабыт пен толағай табыс тілейміз!