«Үкілі кәмшат, бүрмелі көйлек» танымдық сабағы

21 қараша күні "Қыз Жібек" қыздар клубының мүшелерімен "Үкілі кәмшат, бүрмелі көйлек" тақырыбында клуб жетекшісі Б.Б.Әлмұратова танымдық сабағын өткізді. Сабақтың мақсаты: дәстүр мен ғұрыпты насихаттау, ұлттық құндылықтарды дәріптеу.

Қызды тәрбиелеу ең маңызды мәселе. Қыз өсіру гүл өсірумен бірдей! Тиянақты күтім болмаса, гүл де солып қалады. Қыз да сондай. Оған тәлім мен тәрбие, өнер мен өнеге, білім мен мәдениет керек.Тек өз ұлтын, тілін сүйіп, қастерлейтін адам ғана сонау әлімсақтан мирас болып келе жатқан ата - ананы, үлкенді сыйлау, кішіге қамқорлық, мейірбандық, инабаттылық сияқты ізгі қасиеттердің иесі бола алады.